KAMPO HENERAL MALVAR–Pinalitan ni Police Major Hazel Suarez si Police Major Billy John Mactal bilang Officer-in-Charge ng Mabini police noong Agosto 6.

Pinangunahan ni Police Lieutenant Colonel Dwight Fonte Jr. ang seremonya.

Nagpasalamat si Mactal sa lahat ng mga pulis ng Mabini sa kanilang suporta, dedikasyon at paglilingkod.

Pinasalamatan ni Suarez ang tiwalang ipinagkaloob sa kanya ng pamunuan.

Binigyang-diin din ni Suarez ang kahalagahan ng pagtutulungan, pakikipag-ugnayan sa mga stakeholders at ang pagpapatibay ng ugnayan sa komunidad upang mapanatili ang kapayapaan sa Mabini.