Nakalabas na ng kalupaan ng Luzon ang bagyong Paeng, ayon sa Philippine Atmospheric Geophysical and Astronomical Services Administration (PAGASA).

Alas-2 ng umaga noong Linggo ng lumabas ang sentro ng bagyo sa landmass ng Luzon subalit magpapatuloy pa rin umano itong magdadala ng pag-ulan.

Inaasahan na lalo pang lalakas ang bagyo at aakyat ito sa typhoon category habang nasa West Philippine Sea at binabagtas ang direksyon patungo ng China.

Sa pagtataya ng PAGASA, lalabas ng Philippine Area of Responsibility (PAR) ang bagyo sa araw ng Lunes, Oktobre 31.