TODAS ang 2-anyos na batang lalaki matapos malunod sa isang balde na puno ng tubig sa Quezon City.

Nadiskubre ang bangkay ng biktima bandang alas-6:00 ng gabi sa loob ng bahay ng biktima sa Brgy. Commonwealth, Quezon City.

Bago ang insidente, nakita ng lola ng biktima na naglalaro ang kaniyang apo bandang alas-5:00 ng hapon nitong. Alas-6:00 ng gabi ng magising siya at hinanap ang apo.

Laking gulat na lamang niya nang makitang nalunod na sa balde ang biktima. Hindi raw niya namalayan na nakapunta ito sa banyo.

Dinala pa sa Rosario Maclang Hospital ang biktima subalit idineklara ring dead-on-arrival.