BUMISITA noong Miyerkules ang mga miyembro ng One-Unite Riders Club kay Batangas Police Provincial Office (BPPO) director PCol. Oliver Ebora sa Kampo Heneral Malvar.

Ipinakilala ni Aya Bono, presidente ng grupo, ang kanilang mga programa at layuning tumulong sa mga nangangailangan.

Pinasalamatan ni Col. Ebora ang grupo at isinulong ng PNP ang pagkakaroon ng mga lectures para sa mga rider na pokus ang defensive driving, mga batas sa kalsada at tamang disiplina sa pagmamaneho upang maiwasan ang mga aksidente.

Tagumpay ang pag-uusap at mas pinatibay ang samahan ng pulisya at ng riding community para sa mas ligtas na mga kalsada.