ARESTADO ng mga operatiba ng Manila Police District-Baseco Police Station 13 ang tatlong suspek na tulak, kabilang ang isang babae, sa buy-bust sa 11th St., Brgy. 650, Port Area, Manila noong Biyernes.

Nakilala ang mga subject na suspek na sina alyas Nash, Jerlex at Mariam.

Ayon kay Police Lieutenant Colonel Rommel Anicete, hepe ng MPD Baseco Police Station 13, bandang ala-1:05 ng madaling araw nahuli ang tatlo sa pamumuno ni PLt. Mark Jason Ramos ng Station Drug Enforcement Unit.

Nakumpiska sa kanila ang 35.2 gramo ng shabu na nagkakahalaga ng P239,360.

Nabawi ng mga operatiba ang 1 P500 bill at 27 P1,000 bills.

Ang mga naarestong suspek ay nahaharap sa kasong paglabag sa RA 9165 (Comprehensive Dangerous Drugs Act of 2002).