SINABI ng Bureau of Immigration (BI) na ang mga opisyal nito sa mga paliparan ay naghahanda para sa pagdagsa ng mga paparating na internasyonal na pasahero kasunod ng desisyon ng gobyerno na muling buksan ang bansa sa mga dayuhang turista simula Pebrero 10, 2022.

“Kami ay handa at mayroon kaming magagamit na lakas-tao upang matugunan ang inaasahang pagtaas ng dami ng pasahero sa aming mga paliparan,” sabi ni Immigration Commissioner Jaime Morente sa isang pahayag.

Iniulat din ni Morente ang isang matinding pagbaba sa bilang ng mga opisyal ng imigrasyon na nahawaan pa rin ng COVID-19 virus.

Aniya, nitong Lunes, 401 BI personnel, karamihan sa kanila ay nakatalaga sa Ninoy Aquino International Airport (NAIA), na naunang nagpositibo sa virus o naka-isolate at naka-quarantine ay bumalik na sa trabaho.

“Kami ay patuloy na nagpapatakbo sa buong kapasidad sa mga paliparan habang inaasahan namin ang pagtaas ng mga internasyonal na flight at mga pasahero sa susunod na ilang linggo,” dagdag ng BI chief.

Inihayag ni Lawyer Carlos Capulong, BI port operations chief, na hanggang Enero 31 ay 23immigration officers lamang na nakatalaga sa mga paliparan ang nagpapagaling mula sa COVID-19.

Sinabi ni Capulong na 14 na immigration officers ang nakatalaga sa NAIA, apat sa Clark airport, dalawa sa Mactan, dalawa sa Kalibo, at isa sa Davao.

“Upang makayanan ang biglaan o hindi pangkaraniwang pagtaas ng dami ng pasahero, bumuo kami ng isang reserbang pangkat ng mga opisyal ng imigrasyon mula sa iba pang mga opisyal ng BI na ta-tap upang dagdagan at tulungan ang aming mga frontliner sa paliparan kung kinakailangan,” sabi ni Capulong.

Sa ilalim ng pinakahuling resolusyon na inilabas ng Inter-Agency Task Force on the Management of Emerging Infectious Diseases (IATF-MEID), ang mga ganap na nabakunahang dayuhang turista na nagmumula sa mga bansang nasa ilalim ng EO408 ay muling pinapayagang makapasok sa bansa nang walang visa sa loob ng 30 araw.

Pinayuhan ng BI ang mga airline at ang bumibiyaheng publiko na tingnan ang updated na guidelines sa website at Facebook page ng bureau.