INARESTO ng mga operatiba ng Rodriguez Police ang isang suspek sa pagpatay sa San Isidro, Rodriguez, Rizal noong Biyernes.

Nasakote ang suspek na si alyas Asiong, 41, sa bisa ng warrant of arrest para sa kasong murder, ayon sa report.

Inisyu ang warrant ni Presiding Judge Ana Narlea Bonifacio-Cruz ng Regional Trial Court, Manila.

Bukod sa kasong pagpatay, nahulihan rin ang suspek ng isang caliber .38 revolver, anim na bala, isang shotgun, isang cal .45 pistol at isang magazine na may pitong bala

Isa ang naaresto sa mga pangunahing suspek sa pamamaril sa Lakandula Tulip St., Brgy. 31, Zone 3, Tondo, Manila noong Abril 2, 2024.