NADAKMA noong Linggo ng mga otoridad ang suspek sa pag-iingat ng mga baril at hinihinalang shabu sa Brgy. Bigain 1st, San Jose, Batangas.

Inaaresto si alyas John ng mga miyembro ng San Jose police para sa kasong paglabag sa RA 10591 na inisyu ni Judge Agripino Gravo ng Regional Trial Court (RTC) Branch 55 ng Lucena City.

Ayon kay Batangas police director P/Col. Jacinto Malinao Jr., nakumpiska ng mga otoridad mula sa naaresto ang M16 cal. 5.56mm rifle na may 24 bala, 14 bala para sa cal. 45, dalawang kahon na may 45 na bala para sa cal. 5.56 mm, dalawang gramo ng shabu na may halagang P13,600 at limang bala para sa 9mm.