NAHULI noong Martes ng mga pulis ang pinaghihinalaang tulak ng shabu at baril sa Sitio Balanga, Brgy. Sto. Domingo, Bauan, Batangas.

Nahuli ang suspek na si alyas Joshua sa paglabag sa RA 10591 sa bisa ng warrant of arrest na inisyu ni Judge Josephine Garcia-Borbon, presiding judge ng Bauan Municipal Trial Court.

Nasamsam sa suspek ang isang cal .357 na may anim na bala, 25 gramo ng shabu na may halagang P170,000, itim na sling bag at improvised glass tube paraphernalia

Nasa kustodiya ngayon ng Bauan police ang suspek at sasampahan ng mga kasong paglabag sa RA 10591 (Comprehensive Firearms and Ammunition Regulation Act at paglabag sa RA 9165 (Comprehensive Dangerous Drugs Act of 2002).