DALAWANG estudyante ang kritikal sa pagamutan sa naganap na pamamaril sa loob mismo ng silid aralan nitong Huwebes ng umaga sa Sta Rosa Integrated School sa Sta Rosa , Nueva Ecija.

Ang mga biktima ay pawang mga grade 10 student ng naturang paaralan.

Batay sa inisyal ng impormasyon mula sa Sta Rosa Municipal Police Station, nakiusap ang pamilya ng mga estudyante na bigyan muna sila ng privacy habang isinasagawa ang imbestigasyon.

May mga nauna kasing balita na may kinalaman sa love triangle ang insidente kung saan binaril ng lalaki ang dating kasintahan bago ito nagbaril sa sarili.

Sa ngayon, patuloy ang ginagawang imbestigasyon sa insidente.

Inaalam na rin kung paano naipuslit ang baril sa loob ng eskwelahan.