NAGLUNSAD ng 3-araw na Cybercrime Effective Reputation Management Techniques Training ang Batangas Police Provincial Office, sa ilalim ni P/Col. Geovanny Sibalo, acting provincial director, sa pakikipagtulungan ng Department of Information and Communications Technology (DICT) noong Disyembre 2-4 sa DICT compound, Telecom Road, Capitol Site, Brgy Kumintang Ibaba, Batangas City.

Nagbigay ng lecture si Antonio Jimeno Jr., cybercrime consultant, at dinaluhan ng 36 na pulis.

Layunin na mapahusay ang kakayahang pang-operasyon ng mga tauhan ng BPPO sa pag-iwas at pagtugon sa cybercrime, mapalakas ang mga hakbang sa cybersecurity ng organisasyon at mapalawak ang kanilang kaalaman sa pamamagitan ng mga praktikal na ehersisyo.

Nagpasalamat ang BPPO sa DICT Region IV-A sa suporta at mga oportunidad sa pag-aaral sa larangan ng cyber defense at digital protection.

Muling pinagtibay ng Batangas PPO ang kanilang pangako sa digital resilience, na tinitiyak ang isang mas ligtas na komunidad sa lupa at cyberspace para sa mga mamamayan.