ITINANGGI ng Civil Aviation Authority of the Philippines (CAAP) ang impormasyon sa umano’y pansamantalang pagsasara ng Zamboanga International Airport para sa pagkukumpuni.

Tinawag ng CAAP na mapanlinlang at hindi beripikado ang mga naturang impormasyon.

Iginiit ng CAAP na habang may isinasagawang mga proyekto sa imprastraktura, kabilang ang rehabilitasyon ng runway at pagpapalawak ng terminal, walang anumang plano na ipasara ang operasyon ng paliparan.

Patuloy na ipinatutupad ng CAAP ang mga pagbuti nang may pinakamaliit na abala sa mga pasahero.

Idinagdag pa ng ahensya na anumang nakatakdang pagkukumpuni o gawaing pang-maintenance sa Zamboanga International Airport at iba pang paliparang pinangangasiwaan ng CAAP ay ipapaalam sa pamamagitan ng aming opisyal na mga channel.

Hinihikayat namin ang mga pasahero at publiko na kumuha lamang ng impormasyon mula sa opisyal na mga platform ng CAAP para sa tamang iskedyul ng mga flight at mga update sa estado ng paliparan.

Mariin ding kinokondena ng CAAP ang pagpapakalat ng maling impormasyon, dahil ito ay nagdudulot ng hindi kinakailangang pangamba at nakakaapekto sa mga plano sa paglalakbay.

Ang pagkalat ng hindi beripikadong pahayag ay iresponsable at nakasisira sa tiwala ng publiko.