NALAMBAT na mga pulis ang 32-anyos na cabin cleaner noong Sabado sa Parañaque City dahil sa sandamukal na counts ng rape at sexual assault laban sa mga batang kanyang nabibiktima.

Nadakip ang suspek na si alyas Lester dakong ala-1:35 ng hapon sa Brgy. San Isidro, Paranaque sa bisa ng warrant of arrest galing sa Family Court Branch 10 ng Paranaque City at Family Court Branch 5 ng Trece Martires City, Cavite.

Ayon kay Parañaque police chief P/Col. Nicolas Pinon, nahaharap ang akusado sa dalawang counts ng rape, 18 counts ng statutory rape at marami counts ng sexual assault na pawang mga menor-de-edad ang mga nabibiktima.

Nakadetine ang suspek sa custodial facility ng Parañaque police.