LUMARGA na ang fire prevention month sa Maynila sa pangunguna ng Manila City Disaster Risk Reduction and Management Department (MCDRRMD) sa parada sa anim na distrito ng syudad.

Kasama ang iba’t-ibang mga tanggapan at fire brigades sa pagpapatupad sa mga programa para sa kaligtasan laban sa sunog.

Ayon sa MCDRRMD, mahalaga ang parada upang ipaalala sa mamamayan na dapat mag-iingat sa panahon ng tag-init sa Marso.

Nagpasalamat si Manila Mayor Francisco Isko Moreno Domagoso sa MCDRRMD at fire at medical volunteers sa pagsisikap upang mailigtas ang buhay ng mga mamamayan at ari-arian.

Nagpaalala din si Mayor Isko na palaging mag-iingat at doblehin ang pag-inspeksyon sa kanilang mga kagamitan para matiyak na ligtas sa sunog.