KAMPO PBGEN VICENTE LIM, Canlubang, Laguna–Binigyang-diin ni Marites Castro, regional director ng Department of Tourism (DoT) IV-A, ang matibay na ugnayan sa pagitan ng DoT at pulisya sa pagtataguyod ng ligtas, secure na sektor ng turismo sa buong Region 4A.

Ipinaabot ng opisyal ng DoT ang pagtitiyak na ito nang maging panauhing pandangal at tagapagsalita sa pagbubukas ng aktibidad ng Tourist-Oriented Police for Community Order and Protection (TOPCOP) sa siyudad na ito.

Mainit siyang tinanggap ni Police Colonel Dominic L. Baccay, deputy regional director for operations, at ng 50 kalahok sa aktibidad.