ISANG libreng concert series ang isasagawa ng Tingog party-list simula sa Pebrero.

Batay sa anunsyo, magtatanghal sa Tingog ng Pasasalamat Concert sina Master Rapper Andrew E, Queen Mother Karla Estrada at ang mga bandang Plethora at ILT Band.

Mayroon ding special performance si Bamboo.

Nilinaw naman ng Tingog na ang pagtatanghal ni Bamboo ay bilang guest performer at walang kinalaman sa pag-endorso o pagsuporta nito sa partido.

Ang concert ay isasagawa sa Pebrero 12 sa Cebu City, Pebrero 17 sa Tagum City, Pebrero 25 sa Quezon City, at Marso 4 sa Tacloban City.