LUNGSOD NG DASMARIN̈AS, CAVITE. — Ang sinasabing pinakamalaking siyudad sa Cavite ay isinailalim sa state of calamity kasunod ng pagtaas ng kaso ng dengue, kung saan 928 ang naitala nitong 2024 noong Nobyembre 6—halos apat na beses na mas mataas o 397 porsiyentong mas mataas kaysa sa 233 kaso na naiulat sa parehong panahon noong nakaraang taon.

Ito ay base sa post ni Mayor Jenny Barzaga sa kanyang official social media page noong Biyernes. Nobyembre 22, 2024

Ang deklarasyon, batay sa Resolution No. 435-S-2024, ay nagbibigay-daan sa lokal na pamahalaan na magpakilos ng mga mapagkukunan at magpatupad ng mga estratehiya upang matugunan ang pagsiklab nang epektibo.

Binigyang-diin ni Mayor Jenny Austria-Barzaga ang agarang pagkilos upang masugpo ang pagkalat ng sakit na dala ng lamok.

“Napakahalaga na ang mga kinakailangang hakbang ay gawin upang maiwasan ang karagdagang pagkalat ng virus,” sinipi niya.

“Ang lahat ay pinapayuhan na magpalaganap ng kamalayan at maging alam tungkol sa kung ano ang Dengue, at kung ano ang maaari nating gawin upang maiwasan ito,” dagdag niya.

Puspusan ngayon ang pagkilos ng 75 barangay sa naturang Lungsod upang masugpo ang lumalalang kaso ng dengue sa lugar.

Pinayuhan ng City Health Office ng Lungsod na makipagtulungan ang bawat barangay at komunidad upang masugpo ang outbreak sa lungsod

“Dengue is a viral infection caused by mosquito bites, primarily from the Aedes aegypti mosquito. Symptoms include high fever, headache, body aches, nausea, and rash. Most recover within 1-2 weeks, but severe cases can be fatal,” ayon sa mga health experts.

Patuloy din ang pagsasagawa ng misting and fogging sa siyudad.

Nagpaalala din ang CHO na alisin o itapon ang mga bagay na maaring panirahan ng mga lamok. Dagdag pa nito na panatilihin malinis ang lugar at huwag hayaang pamahayan ng lamok.

Ayon kay Dr. Nelson Soriano, Provincial Health Officer ng Cavite, bukod sa Lungsod ng Dasmarin̈as, binabantayan na rin ang pagtaas ng kaso ng dengue sa karatig lungsod ng Imus.