TATAAS ang financial assistance sa mga senior high school learners ng technical-vocational training para sa School Year 2026–2027 dahil sa dagdag subdidy ng Department of Education (DepEd) sa ilalim ng Joint Delivery Voucher Program (JDVP).

Grade 12 learners na enrolled sa Technical-Professional (TechPro) tracks and electives under the Strengthened Senior High School curriculum at Grade 12 batch ng 2016 K to 12 Basic Education Curriculum ang kasama sa makikinabang sa dagdag.

Layunin ng adjustment na matugunan ang kakulangan sa public schools ng sapat na workshop equipment, specialized facilities o qualified TechPro teachers.

Ayon kay Education Secretary Sonny Angara, tutulong ang dagdag sa mga learners na makakuha ng access sa practical training, modern equipment at industry-standard skills na walang financial barriers.

Binubuo ang new subsidy rates ng

Information and Communications Technology (ICT): P18,450;
Agri-Fishery Arts (AFA): P17,450;
Home Economics (HE): P16,450;
Industrial Arts (IA): P15,450.

Sakop ng ICT category ang construction at building technologies, creative arts, design, ICT support at computer programming.

Ang AFA ay naka-focus sa agri-fishery business at food innovation habang ang HE ay binubuo ng aesthetics, wellness, human care, artisanry, creative enterprise at hospitality and tourism.

Sakop naman ng IA ang automotive, small engine, construction at industrial technologies.