TATAAS, ayon sa Manila Electric Company (Meralco), ang electricity rates ng P0.4895 per kilowatt-hour (kWh) sa November na magdadala sa overall rate ng typical household sa P15.5510 mula sa P15.0615 per kWh para sa Oktubre.

Aabot sa P98 ang idadagdag sa bill ng mga bahay na kumokunsumo ng 200 kWh kada buwan.

Tataas ang power charge dahil sa generation charge component at pagbaba ng peso kontra sa dolyar dala ng ongoing crisis sa Middle East.

Ang mga charges ng First Gas/Prime CoreGen ay tumaas ng P2.9241 per kWh dahil sa mas mahal na fuel costs, ayon sa Meralco.

Sabi pa ng Meralco, tumaas ang gamit ng LNG ng First Gas/Prime CoreGen sa 44 percent para sa suplay ng imported gas sa Malampaya.