SISIMULAN ng Department of Foreign Affairs (DFA) ang repatriation ng mga Pilipino sa Sudan sa susunod na linggo.

Ayon kay DFA Undersecretary for Migrant Workers Affairs Eduardo de Vega matatagalan ang repatriation dahil sa gulo sa pagitan ng Sudanese Armed Forces at Paramilitary Rapid Support Forces.

Sinabi ni de Vega na ang gagawin ay land evacuation dahil hindi magamit ang paliparan.

Mayroon umanong 250 Pilipino sa Sudan pero maaari umanong umabot sa 500 ang bilang na ito dahil mayroong mga nagtatrabaho roon ng hindi nakarehistro sa ahensya.

Nanawagan si de Vega sa mga Filipino na nasa Sudan na makipag-ugnayan sa Philippine Embassy sa numerong +20 122 743 6472 at sa PHinEgypt Facebook messenger account upang mapadalhan ng tulong.