Diretsong umabante sa third round ng Cincinnati Open si Alex Eala matapos magretiro si Elena-Gabriela Ruse ng Romania dahil sa injury habang lamang ang Pinay, 6-1, 3-0, sa kanilang second-round match nitong Linggo, oras sa Pilipinas.

Mula umpisa, kontrolado ni Eala ang laro at hindi na nakabalik sa momentum si Ruse bago tuluyang hindi na ipinagpatuloy ang laban dahil sa problema sa bukung-bukong. Bilang No. 17 seed, susunod na makakaharap ng 21-anyos na Filipina ang No. 9 seed na si Amanda Anisimova ng Estados Unidos.

“I think that I was playing well. I think I felt the ball good, was really focused and tried to keep myself in the zone. I think I did a good job of that,” ani Eala matapos ang laban. Nagpaabot din siya ng pagbati kay Ruse dahil sa injury: “Of course, nobody likes to finish a match with a retirement. First and foremost, I just want to wish Gabriela-Ruse a speedy recovery, injuries aren’t fun, so I hope she recovers soon.”

Mainit ang takbo ni Eala sa hard-court swing matapos niyang angkinin ang unang WTA 500 title sa Washington at umabot sa career-high World No. 20. Sa Cincinnati, panibagong malaking hamon ang naghihintay sa kanya laban kay Anisimova, na tinalo si Zeynep Sonmez, 6-2, 6-3.