ISANG lindol na may lakas na magnitude 4.6 ang yumanig sa Eastern Samar Huwebes ng umaga.

Ayon sa Philippine Institute of Volcanology and Seismology (PHIVOLCS) naramdaman ang lindol alas-10:01 ng umaga.

Ang epicenter ng lindol ay 18 kilometro sa kanluran ng bayan ng Hernani at may lalim na 27 kilometro.

Naitala ng PHIVOLCS ang mga sumusunod na Intensity:

Intensity IV – Hernani at Llorente, Eastern Samar

Intensity III – Tacloban City at Dulag, Leyte; Borongan City, Giporlos, Maydolong, Gen. MacArthur, Lawaan, Balangiga at Quinapondan, Eastern Samar;

Basey, Catbalogan City, Marabut at Sta. Rita, Samar

Intensity II – Julita, Jaro, Tanauan, Barugo, Palo, Pastrana, Alangalang at Abuyog, Leyte; Guiuan, Mercedes , Salcedo, San Julian, Sulat at Taft, Eastern Samar

Instrumental Intensities:

Intensity IV – Borongan City, Eastern Samar

Intensity III – Catbalogan City, Samar; Dulag, Leyte

Intensity II – Alangalang, Abuyog at Palo, Leyte

Intensity I – Baybay at Ormoc City, Leyte