PANSAMANTALANG isasara ang exit at entry point sa isang bahagi ng Shaw Boulevard station ng Metro Rail Transit 3 (MRT-3).

Sa advisory na inilabas ng MRT-3, sarado mula Marso 21 hanggang 22 ang entry at exit points sa Building A ng Shaw Boulevard station para sa improvement activity sa lugar.

Ang maaapektuhan umano ay ang daan papunta at galing sa EDSA Shangri-La at Starmall.

Maaari umanong gamitin ang entry at exit points sa Building B na nasa tabi ng Greenfield Pavilion at Parklea Center.