INARESTO ng mga pulis ang isang lalaki na empleyado ng Manila City hall dahil sa kasong estafa sa A.Rivera St., corner Mayhaligue St., Brgy. 128, Tondo, Manila noong Huwebes.

Ayon sa report ng Manila Police District, bandang alas-11:56 ng umaga ng naaresto si alyas Rodel, 53, sa pangunguna ni Police Capt. Joel Aquino.

Hinuli ang lalaki sa bisa ng arrest warrant na inisyu ni Judge Jaime Guray, Presiding Judge ng Branch 274 ng Regional Trial Court of Paranaque City, para sa kasong estafa.

Ipinaalam ni PMSg Mark King Hernandez sa akusado ang kanyang mga constitutional rights sa ilalim ng RA 7438.