𝗦𝗔 𝗽𝗮𝗴𝗵𝗮𝗿𝗮𝗽 𝗻𝗴 𝗗𝗲𝗽𝗮𝗿𝘁𝗺𝗲𝗻𝘁 𝗼𝗳 𝗘𝗻𝘃𝗶𝗿𝗼𝗻𝗺𝗲𝗻𝘁 𝗮𝗻𝗱 𝗡𝗮𝘁𝘂𝗿𝗮𝗹 𝗥𝗲𝘀𝗼𝘂𝗿𝗰𝗲𝘀 (𝗗𝗘𝗡𝗥) 𝘀𝗮 𝗯𝘂𝗱𝗴𝗲𝘁 𝗵𝗲𝗮𝗿𝗶𝗻𝗴 𝗻𝗴 𝗛𝗼𝘂𝘀𝗲 𝗖𝗼𝗺𝗺𝗶𝘁𝘁𝗲𝗲 𝗼𝗻 𝗔𝗽𝗽𝗿𝗼𝗽𝗿𝗶𝗮𝘁𝗶𝗼𝗻𝘀, k𝗶𝗻𝘂𝘄𝗲𝘀𝘁𝗶𝘆𝗼𝗻 𝗻𝗶 𝗢𝗙𝗪 𝗣𝗮𝗿𝘁𝘆 𝗟𝗶𝘀𝘁 𝗖𝗼𝗻𝗴. 𝗠𝗮𝗿𝗶𝘀𝘀𝗮 “𝗗𝗲𝗹 𝗠𝗮𝗿” 𝗣. 𝗠𝗮𝗴𝘀𝗶𝗻𝗼 𝗮𝗻𝗴 𝗺𝗴𝗮 𝗼𝗽𝗶𝘀𝘆𝗮𝗹 𝗻𝗴 𝗻𝗮𝘁𝘂𝗿𝗮𝗻𝗴 𝗮𝗵𝗲𝗻𝘀𝗶𝘆𝗮 𝗽𝗮𝘁𝘂𝗻𝗴𝗸𝗼𝗹 𝘀𝗮 𝘂𝘀𝗮𝗽𝗶𝗻 𝗻𝗴 “𝗳𝗹𝗼𝗼𝗱 𝗰𝗼𝗻𝘁𝗿𝗼𝗹 𝗽𝗿𝗼𝗷𝗲𝗰𝘁𝘀” 𝗻𝗴 𝗴𝗼𝗯𝘆𝗲𝗿𝗻𝗼 𝗽𝗮𝗿𝗮 𝗺𝗮𝗸𝗼𝗻𝘁𝗿𝗼𝗹 𝗼 𝗺𝗮𝘀𝗮𝗴𝗸𝗮𝗮𝗻 𝗮𝗻𝗴 𝗺𝗮𝗹𝗮𝗹𝗮𝗻𝗴 𝗸𝗮𝘀𝗼 𝗻𝗴 𝗽𝗮𝗴𝗯𝗮𝗵𝗮 𝘀𝗮 𝗶𝗯𝗮’𝘁-𝗶𝗯𝗮𝗻𝗴 𝗹𝘂𝗴𝗮𝗿 𝘀𝗮 𝗠𝗲𝘁𝗿𝗼 𝗠𝗮𝗻𝗶𝗹𝗮.

Humarap ang DENR sa budget hearing ng Committee on Appropriations upang depensahan ang kanilang 2025 proposed national budget para sa susunod na taon. Dito ay ipinahayag ni Magsino ang samu’t-saring problema na idinulot ng pananalanta ng bagyong Carina partikular na ang malawakang pagbaha sa Kalakhang Maynila at mga karatig lalawigan.

Sinabi ni Magsino na bunsod ng naganap na sakuna kung saan maraming mamamayan ang sinalanta ng super typhoon Carina. Muli na naman aniyang lumutang ang issue tungkol sa kasalukuyang sitwasyon ng “flood control project” ng pamahalaan.

Sabi din ni Magsino na ikinakatuwiran naman ng Department of Public Works and Highways (DPWH) at Metropolitan Manila Development Authority (MMDA) na ang isa sa mga nagpapalala ng mga pagbaha sa Metro Manila ay ang mga tambak-tambak na basura na bumabara sa mga drainage o kanal at nagpapa-apaw sa mga ilog at estero dahil sa “heavy siltation” ng mga ito.

Dahil dito, kinuwestiyon ni Magsino kung bakit hindi na aniya matapos-tapos ang problema ng pagdami at maling pagtatapon ng basura na itinuturong dahilan ng lumalalang kaso ng pagbaha sa ilang Siyudad sa Metro Manila kabilang na dito ang Marikina City, Maynila, Quezon City, Malabon City at iba pang mga lugar.

“Dahil sa paghagupit po ng bagyong Carina at Habagat na nagdulot ng malawakang pagbaha sa Metro Manila at mga karatig probinsiya. Muli naman pinag-usapan, ano po ba ang nangyayari sa ating flood control project ng pamahalaan? Sabi naman po ng DPWH at MMDA isa rin daw pong problema na nagpapalala ng pagbaha ay ang tambak-tambak na basura at ang maling pagtatapon nito,” pahayag ni Magsino sa budget hearing ng DENR.

Binanggit din ng OFW Lady solon ang Republic Act No. 9003 o ang “Ecological Solidwaste Management Act of 2000” kung saan isinasaad nito na katuwang aniya ng DENR ang Dapartment of Health (DOH), Department of Interior and Local Government (DILG) at iba pang ahensiya na inaatasang magsagawa ng imbentaryo sa lahat ng solidwaste facilities at sites o lugar sa buong bansa kabilang na dito ang projection ng waste generation.

Bunsod nito, kinuwestiyon din ni Magsino kung ilan, nasaan at anong uri ng waste disposal facilities sa Metro Manila ang gumagana sa kasalukuyan ayon sa isinagawang imbentaryo ng DENR.