UMATTEND sina Mayor Honey Lacuna, Congressman Edward Maceda at Vice Mayor Yul Servo Nieto sa groundbreaking ng itatayong pang-anim na super health center noong Lunes sa Sampaloc, Manila.

“With today’s groundbreaking of the Maria Clara Super Health Center in Sampaloc, Manila will eventually have a public health network of six new super health centers, a modern medical laboratory, a pharmaceuticals warehouse, a new animal shelter and a new slaughterhouse,” pahayag ni Mayor Honey Lacuna.

Ang Maria Clara Super Health Center pampublikong proyekto na isinulong ni Congressman Maceda at unang super health center sa Maynila na magkakaroon ng CT scan.

Nakalikom si Maceda ng P50 milyon mula sa pondo ng Department of Public Works and Highways (DPWH) na nakalaan sa pagtatayo ng mga multi-purpose buildings para magamit sa konstruksiyon ng Maria Clara SHC.

Sinabi ni Mayor Lacuna na ang kalusugan ng bawat Manileño hindi lang usapin ng pagpapagamot ng may sakit, kundi ng maagap at sistematikong pag-iwas sa sakit.

Hinimok din ni Lacuna ang Manila Health Department, mga super health centers, MDRRMO at DepEd Manila na tulungang makarating ang serbisyong pang-kalusugan sa mga estudyante ng K to 12 dahil kailangan ng klinika sa mga paaralan at DepEd nurses ng kanilang tulong.

“We must protect students, teachers, and parents against diseases preventable through vaccination, safety habits, and proper nutrition. Even pets must be vaccinated,” sabi pa ni Lacuna.

“I have instructed the concerned city hall department heads to compute the financial impact of the Magna Carta of BHWs so the proper budget adjustments can be made,” dagdag ni Lacuna.