ISANG helicopter ng Philippine Air Force (PAF) na may anim na pasahero ang bumagsak nitiong Martes umaga sa bayan ng Loreto, Agusan del Sur.

Ayon kay Eastern Mindanao Command spokesperson Lt. Colonel Salvacion Evangelista, ang helicopter ay bahagi ng Humanitarian Assistance Disaster Response para sa bagyong Tino.

Nawalan ito ng contact sa pagitan ng 11:37 ng umaga hanggang 11:56 ng umaga bago bumagsak sa bulubunduking bahagi ng Barangay Sabud, Loreto, Agusan del Sur.

Nauna rito, nakarinig ang mga residente ng malakas na pagsabog at nang suriin nila ang lugar ay nakita ng mga ito ang nagkalat ang mga bahagi ng chopper at ilang gamit.

Patuloy ang imbestigasyon sa insidente.