DALAWA ang biktima ng pamamaril ng nakatakas na mga hitman sa Brgy. Batasan Hills, Quezon City noong Sabado.

Naganap ang pamamaril bandang alas-9:20 ng gabi sa Dike Pathway Riverview, Brgy. Batasan Hills.

Ayon sa isang saksi, nakita pa niya ang isa sa mga suspek na kasama ang isa pang lalaki na nakipag-fist bump pa sa kanya bago naglaho sa hindi matukoy na direksyon.

Makalipas ang ilang minuto, natagpuan ng saksi ang duguang katawan ng dalawang lalaki na may tama ng bala sa ulo.

Isang security guard ang nagsabing nakarinig siya ng dalawang putok ng baril bago nadiskubre ang mga biktima.