ITI-NURN over ng empleyado ng Office for Transportation Security (OTS) ang naiwang laptop sa lost & found section ng Ninoy Aquino International Airport (NAIA) Terminal 2 noong Huwebes, Mayo 7.

Napansin ng Security Screening Officer (SSO) na si John Clemen Aralar ang isang laptop bag na naiwan sa airport service tray kaya ipinaalam niya sa checkpoint supervisor na nakatalaga.

Hinanap ang may-ari sa pamamagitan ng airport paging system.

Matapos ang ilang oras na walang nag-claim, nai-turn over ni SSO Aralar ang laptop sa lost & found section para sa pag-iingat.

Ang huwarang gawain ni SSO Aralar ay sumasalamin sa pangako ng OTS na panatilihin ang pagkakaisa, kasanayan, integridad at serbisyo sa pamahalaan.