PATAY ang isang engineer habang sugatan naman ang misis nito makaraang pagbabarilin ng mga suspect na lulan ng motorsiklo nitong Miyerkules ng umaga sa Koronadal City, South Cotabato.

Hindi na umabot ng buhay sa pagamutan si Engr. Kesse Junsan habang kritikal naman ang asawa nitong si Maria Miguel Junsan.

Batay sa ulat ng PNP, naganap ang pamamaril dakong 7:00 ng umaga sa bahagi ng Donya Lourdes, Barangay Zone II, sa nasabing lungsod.

Lulan ang mga biktima ng kanilang sasakyan papasok sa bakuran ng kanilang bahay nang pagbabarilin ng mga suspect.

Matapos ang insidente ay mabilis na tumakas ang mga suspect habang isinugod naman sa pagamutan ang mag-asawa.

Patuloy ang imbestigasyon sa insidente.