TIGOK agad ang 33-anyos na lalaki matapos bugahan ng 3 bala sa ulo ng hindi nakikilala at nakatakas na suspek sa Aroma compound, Tondo, Maynila noong Linggo.

Ayon sa ilang sakso, ilang araw pa lamang nakalaya sa kulungan ang biktimang si alyas Undo dahil sa kasong pananaksak nang todasin ng suspek pasado alas-2:00 ng madaling araw noong Linggo.

Bago ang pamamaril, nakita pa ang biktima na umiinom sa building 9 pero makalipas ang ilang oras pinatay na sa pagitan ng building 22-26.

Ikinurdon ang lugar bago pa itinawag sa Manila Police District homicide section at Scene Of Crime Operatives (SOCO).

Blangko ang mga pulis sa motibo ng pagpatay.