LUMAGPAS sa target ang koleksyon ng Bureau of Internal Revenue (BIR) sa unang limang buwan ng 2023.

Ayon sa BIR, nakakolekta ito ng P1.056 trilyon mula Enero hanggang Mayo ngayong taon, lagpas ng P1.331 bilyon sa target nito.

Mas mataas din ng 9.94 porsyento o P95.454 bilyon ang nakolekta ng BIR kumpara sa koleksyon nito noong Enero hanggang Mayo 2022.

Para sa buong taon ng 2023, itinakda ang dapat makolekta ng BIR sa P2.599 trilyon, mas mataas ng P256.444 bilyon sa nakolekta nito noong 2022.