POSIBLENG bumaba ng 50 sentimos kada litro ang presyo ng gasolina, 15 sentimos kada litro ng diesel at 20 sentimos sa kerosene sa linggong ito, ayon sa Department of Energy-Oil Industry Management Bureau (DOE-OIMB).

Batay sa tatlong araw na kalakaran ng langis sa pandaigdigang pamilihan ang posibleng price rollback, ayon sa ahensiya.

Sa ulat ni Assistant Director Rodela Romero ng DOE-OIMB, ang posibleng rollback sa presyo ng mga produktong petrolyo ay bunsad ng inaasahang sobrang supply ng langis at mahinang pangangailangan ng malalaking bansa tulad ng China.

Karaniwang ina-anunsyo ng mga kompanya ng langis ang panibagong paggalaw sa presyo ng mga produktong petrolyo tuwing Lunes na ipinapatupad tuwing Martes.