NILINAW ng Malacañang na nasa mabuting kalusugan si Ferdinand R. Marcos Jr., kasunod ng mga kumalat na ulat na dinala umano siya sa St. Luke’s Medical Center sa Quezon City.

Ayon kay Palace Press Officer Claire Castro, walang katotohanan ang naturang mga pahayag at maayos ang kalagayan ng Pangulo.

Dagdag pa ni Castro, nagtatrabaho pa nga umano ang Chief Executive ngayong weekend, kabilang ang isang pribadong pagpupulong kasama ang Presidential Management Staff nitong Sabado ng umaga.