BULAGTA at patay agad ang 24-anyos na lalaki nang barilin ng malapitan sa ulo ng nakatakas na riding-in-tandem (RIT) noong Biyernes sa Malabon City.

Residente ng Blk 34, Lot 11, Maliputo St. Brgy. NBBS, Navotas City Todas ang biktimang si Kenneth Lozada dahil sa tama ng bala sa ulo mula sa mga tumakas na salarin patungo sa Navotas City.

Sa ulat kay Malabon police chief P/Col. Jay Baybayan, naganap ang pamamaslang dakong alas-3:15 ng madaling araw sa C4 Road, Brgy. Brgy. Tañong, Malabon City.

Sa pahayag ng testigong si alyas Hayden kina PMSg Michael Oben at PSSg Bengie Nalogoc, nakatayo si Lozada nang dumating ang dalawang nakasakay sa motorsiklo at malapitang binaril ng dalawang beses ang biktima.