ISANG lalaki noong Lunes ang natagpuang nakalutang sa ilog sa San Miguel, Bulacan.

Nakilala ang biktima na si Ramon, 49.

Sa salaysay ng kaibigan ni Manrique, nag-iinuman sila sa ilalim ng tulay dakong alas-4:00 ng hapon.

Bandang alas-7:00 ng gabi, iniwan ng kaibigan si Manrique na nag-iisang umiinom at may nakakita rin sa kanya na bumibili ng alak sa tindahan bandang alas-11:00 ng gabi.

Makalipas ang ilang oras, nakita siyang nakalutang na sa ilog.

Nagtulong-tulong ang mga miyembro ng San Miguel police at mga opisyal ng Brgy. Malibay sa pagkuha ng kanyang bangkay sa ilog.