NAPATAY ang lalaki ng masaksak habang nag-aawat sa mga nag-aaway sa Brgy. District I, Lemery, Batangas noong Martes.

Kinilala ang napatay na si Denver Mendoza Rivera, 16, at sugatan naman si Erickson De Chavez Datinguinoo, 24.

Tumakas ang suspek na si alyas John matapos masaksak ang biktima.

Sa imbestigasyon, bandang alas-3:00 ng madaling araw nasaksak si Erickson ng magkaroon ng mainitang pagtatalo na nauwi sa suntukan.

Biglang bumunot ng cutter knife ang suspek at pinagsasaksak ang nasugatan sa kaliwang bahagi ng likod.

Pagkatapos nito, dumating si Mendoza kasama ang kanyang mga kaibigan upang patahimikin ang mga nanggugulo ngunit bigla itong sinaksak sa kaliwang dibdib ng suspek gamit ang parehong cutter knife.

Binawian ng buhay sa ospital si Mendoza bandang alas-4:15 ng umaga.