Meeting dinaluhan ng mga parak-Batangas
May 11, 2026
Pista ng Jaen 1,468 katao nakinabang
May 11, 2026
Event ng DOTr, ADB dinaluhan ng 50 kumpanya
May 11, 2026
Lalaki tiklo sa pagbebenta ng boga
May 11, 2026
Calendar
Nation
Libreng matrikula sa govt employees na gustong kumuha ng master’s degree isinulong
Mar Rodriguez
May 11, 2026
21
Views
ISINULONG ni Zambales 2nd District Rep. Doris Maniquiz ang panukalang batas para mabigyan ng libreng matrikula ang mga empleyado ng gobyerno na nagnanais kumuha ng master’s degree.
Ang paghahain ni Maniquiz ng Panukalang batas ay kasunod ng pagsusulong ng Senate Bill No. 2099 (Government Employees Free Master’s Degree Tuition Act) na inakda ni Sen. Loren Legarda na sumasalamin sa kaniyang panukala.
Ayon kay Maniquiz, matagal ng itinataguyod ang kaniyang panukala mula pa noong 19th Congress subalit nakabinbin pa rin at naghihintay ng deliberasyon sa House Committee on Higher and Technical Education (CHTE).
Sa ilalim ng House Bill No. 5847, sinabi ni Maniquiz na ang mga manggagawa sa pamahalaan o government employee, ay magiging kwalipikado para sa libreng matrikula sa alinmang State University and Colleges (SUCs) sa loob ng dalawang taon.
Upang maging kwalipikado sa programa, ang isang empleyado ay dapat mayroong limang taong serbisyo sa gobyerno bago mag-apply para sa libreng matrikula sakaling nais nitong kumuha ng master’s degree.
Nilinaw niya na sa panukalang batas ang saklaw nito ay limitado lamang sa tuition at hindi kasama dito ang miscellaneous at laboratory fees.
Nais ng kongresista na humubog ng mas bihasa, kompetitibo at epektibong civil service sa pamamagitan ng paggawa ng mas mataas na edukasyon na mas madaling maabot ng mga government employees.
Event ng DOTr, ADB dinaluhan ng 50 kumpanya
May 11, 2026
Acidre: Dapat manaig ang pananagutan
May 11, 2026
