MAAARI ng kumonekta ng libre sa pure fiber wifi ang mga pasahero ng Ninoy Aquino International Airport (NAIA) Terminals 1 at 2.

Ang libreng wifi sa paliparan ay hatid ng broadband provider Converge.

Ayon kay Transportation Secretary Jaime J. Bautista ito ay makatutulong sa mga pasahero at turista na maka-konek sa high-speed network.

Noong Nobyembre 2022, isang kasunduan ang sinelyuhan ng Department of Transportation (DOTr) at Converge para sa paglalagay ng libreng public wifi sa mga terminal ng siyam na paliparan sa bansa.

Binuksan ang libreng wifi sa NAIA Terminal 3 noong Nobyembre 2023.

“This initiative demonstrates successful collaborations with private partners who understand the concept of public service,” sabi ni Bautista.