𝗣𝗔𝗥𝗔 𝗸𝗮𝘆 𝗛𝗼𝘂𝘀𝗲 𝗗𝗲𝗽𝘂𝘁𝘆 𝗦𝗽𝗲𝗮𝗸𝗲𝗿 𝗮𝘁 𝟱𝘁𝗵 𝗗𝗶𝘀𝘁. 𝗖𝗼𝗻𝗴. 𝗩𝗶𝗻𝗰𝗲𝗻𝘁 𝗙𝗿𝗮𝗻𝗰𝗼 “𝗗𝘂𝗸𝗲” 𝗗. 𝗙𝗿𝗮𝘀𝗰𝗼, a𝗻𝗴 𝗽𝗮𝗴𝗽𝗮𝗽𝗮𝘁𝗮𝘆𝗼 𝗻𝗶𝘁𝗼 𝗻𝗴 𝗖𝗵𝗶𝗹𝗱𝗿𝗲𝗻’𝘀 𝗛𝗼𝘀𝗽𝗶𝘁𝗮𝗹 𝘀𝗮 𝗯𝗮𝘆𝗮𝗻 𝗻𝗴 𝗟𝗶𝗹𝗼𝗮𝗻 𝗮𝗻𝗴 𝗺𝗮𝗶𝘁𝘂𝘁𝘂𝗿𝗶𝗻𝗴 𝗻𝗮 “𝗹𝗮𝗻𝗱𝗺𝗮𝗿𝗸 𝗽𝗲𝘁 𝗽𝗿𝗼𝗷𝗲𝗰𝘁” 𝗻𝗶𝘁𝗼 𝗻𝗮 𝗵𝗶𝗻𝗱𝗶 𝗹𝗮𝗺𝗮𝗻𝗴 𝗽𝗮𝗸𝗶𝗸𝗶𝗻𝗮𝗯𝗮𝗻𝗴𝗮𝗻 𝗻𝗴 𝗺𝗴𝗮 𝗺𝗮𝗺𝗮𝗺𝗮𝘆𝗮𝗻 𝗻𝗴 𝗖𝗲𝗯𝘂 𝗖𝗶𝘁𝘆 𝗯𝗮𝗴𝗸𝗼𝘀 𝗺𝗮𝗴𝗶𝗻𝗴 𝗮𝗻𝗴 𝗺𝗴𝗮 𝗸𝗮𝗯𝗮𝘁𝗮𝗮𝗻 𝗵𝗮𝗻𝗴𝗴𝗮𝗻𝗴 𝘀𝗮 𝘀𝘂𝘀𝘂𝗻𝗼𝗱 𝗽𝗮 𝗻𝗶𝗹𝗮𝗻𝗴 𝗵𝗲𝗻𝗲𝗿𝗮𝘀𝘆𝗼𝗻.

Ayon sa House Deputy Speaker, sa lahat ng kaniyang mga naging proyekto ang Liloan Children’s Hospital umano ang isa sa kaniyang maipagmamalaki dahil sa maraming mga kabataang pasyente ang matutulungan nito hanggang sa mga susunod pang henerasyon.

Ipinaliwanag din ni Frasco na ang usapin ng kalusugan ang pinakamahalagang matutukan patungkol sa mga proyektong isusulong nito. Aniya, ang kaligtasan ng buhay ng isang indibiduwal ang pinaka-importante sa lahat gaya ng paglalapat ng lunas sa karamdaman ng isang pasyente lalo na kung ito’y isang bata o kaya ay sanggol.

Sabi pa ni Frasco, kaya itinuturing nitong “landmark” ang kaniyang Hospital project ay dahil sa unang pagkakataon ay ngayon pa lamang magkakaroon ng Children’s Hospital sa Liloan, Cebu na hindi exklosibo lamang para mga mamamayan ng nasabing bayan. Bagkos, para sa lahat ng mga Cebuano.

Nauna rito, pinangunahan ng naturang House leader ang ginanap na groundbreaking ceremony para sa ipapatayong Liloan Children’s Hospital na matagal na aniyang inaabangan ng mga residente dito.

Ayon pa kay Frasco, sa pamamagitan ng ipatatayo nitong ospital, inaasahan na magkakaroon ng isang moderno at makabagong pedriatic health care system na malaki ang maitutulong para sa napakaraming kabataang may sakit kabilang na dito ang mga sanggol.

Muling ipinabatid din ng House Deputy Speaker na magkakaroon din ng mga mkabago at modernong equipment ang nasabing ospital kaya hindi na kailangan pang lumuwas ng Maynila ang mga Cebuano para lamang ipaggamot ang mga bata o sanggol na may sakit.

“Ang Liloan Children’s Hospital ang ating landmark pet project dahil napakahalaga nito para sa mga kabataang pasyente. Hindi na sila kailangan pang magpunta ng Manila dahil dito lamang sa Cebu ay mayroon ng Ospital para sa kanila,” sabi pa ni Frasco.