NAPATAY ang isang lolo nang masaksak ng nakatakas na suspek sa Valdellon St., Brgy. 7, Bagumbayan, Paete, Laguna noong Sabado.

Nadala pa sa Pakil Gen. Cailles Hospital ang biktimang si alias Romeo pero binawian din ng buhay dahil sa matinding saksak.

Nakatakas ang isang suspek na kinilalang si alyas Bobby at naaresto naman ang dalawa pang hinihinalang suspek na sina alyas Ramir at alyas Zoila.

Sa imbestigasyon ng pulisya, dakong alas-7:00 ng gabi pumunta ang biktima sa suspek na noo’y nasa inuman.

Dito kinumpronta ng biktima ang umanoy paninira ng suspek dahil sa sumbong ng apo.

Humantong ang mainitang pagtatalo hanggang sa nanaksak na ang suspek na ikinasawi ng biktima.

Kasalukuyang nakapiit ang dalawang arestadong suspek sa himpilan ng pulisya.