WALANG biyahe ang mga tren ng Light Rail Transit Line 1 at 2 at Metro Rail Transit 3 sa mga piling araw ng Holy Week.

Sa inilabas na advisory ng LRT-1 tigil ang operasyon nito sa Abril 14 Huwebes Santo hanggang Abril 17 Easter Sunday.

Mananatili naman ang normal operation ng LRT-1 mula Lunes Santo Abril 11 hanggang Miyerkoles Santo Abril 13 na nagsisimula ng alas-4:30 ng umaga at ang last trip sa Baclaran station ay 9:15 ng gabi at 9:30 naman sa Balintawak station.

Sa LRT-2 naman ay walang biyahe mula Miyerkoles Santo Abril 13 hanggang Easter Sunday Abril 17.

Sa Abril 12, Martes Santo ang huling biyahe ay aalis ng Recto at Antipolo station ng alas-8 ng gabi.

Wala ring biyahe ang MRT-3 mula Abril 13 hanggang 17.

Gagamitin umano ng tatlong railway system ang pagkakataon na wala itong operasyon sa pagkumpuni upang matiyak na maayos ang takbo nito sa pagbabalik operasyon sa Abril 18.