NAKAPAGTALA ng bagong ridership record ang Metro Rail Transit 3 (MRT-3) noong Abril 4.

Ayon sa pamunuan ng MRT-3 umabot sa 315,283 pasahero ang naisakay ng MRT-3 na siyang pinakamarami mula noong Hunyo 1, 2020 kung kailan bumalik ang operasyon nito matapos itigil sa kasagsagan ng pandemya.

Sa kasalukuyan ay libre ang sakay sa MRT-3 bilang bahagi ng pagdiriwang sa pagtatapos ng rehabilitasyon nito.

Dalawang train set na mayroong apat na bagon ang tumatakbo sa linya bukod pa sa 18 train set na may tig-tatlong kotse.

Nasa 394 pasahero ang kayang isakay ng isang bagon o train car.