UMABOT na umano sa 145,721 units o 76 porsyento ang public utility vehicles at UV express na nakapag-consolidate na, ayon sa Land Transportation Franchising and Regulatory Board (LTFRB).

“As of this time, we already have 76 percent or 145,721 in terms of the units for UV express and PUJ. For UV Express, nasa 82 percent na po yung consolidation rate, and for the PUJ, that’s 73.96 percent,” ani LTFRB Board Member Riza Paches.

Sinabi ni Paches na maraming PUV at UV Express na humabol sa deadline ng consolidation noong Disyembre 31.

“Overall, we projected around 18,026 but after December 31, yung level po nung nag-consolidate at nag-apply for consolidation was actually 25, 629 units. This makes up 142 percent from what we projected,” dagdag pa ni Paches na ang tinutukoy ay ang mga humabol mula Disyembre 26 hanggang 31.

“So, meaning to say that the campaign for consolidation during the last stretch of December was actually effective and the matter by which the agencies have been opening their offices, relaxing certain policies, and requirements, and even reaching out to all these transport service operators was to the agencies perspective,” wika pa nito.

Matatandaan na sinabi ni Pangulong Ferdinand Marcos Jr. na hinid na dapat muling i-delay ang consolidation ng mga PUV na naglalayong gawing moderno ang transport system ng bansa.