ANG Rizal Police Provincial Office sa pamumuno ni PCOL Felipa b. Marragun, Provincial Director katuwang sina PLTCOL Jaime S. Peredrio, Deputy Provincial Director for Administration at PLTCOL Jesus F. Lintag, Deputy Provincial Director for Operations ay nagsagawa ng final coordination meeting patungkol sa maayos at matiwasay na selebrasyon ng “Semana Santa 2025” noong Martes ika-8 ng Abril 2025 sa Rizal PPO Conference Room.

Pinangunahan ni Noel C Perez, chairman ng Provincial Disaster Risk and Reduction Management Office (PDRRMO) ang aktibidad.

Nagpasalamat siya sa Rizal PPO sa pakikipagtulungan nito na masiguro ang seguridad sa nalalapit na Alay-Lakad na taun-taong ipinagdiriwang sa siyudad ng Antipolo patungo sa bagong deklara na International Shrine Our Lady of Peace and Good Voyage.

Samantala, inilatag ni PMAJ Joel Alvarez, chief ng Provincial Operations and Management Unit (POMU). ang istratehiya ng Rizal PPO partikular sa security preparations upang siguraduhing maging ligtas at payapa ang pagdaos nito.

Dinaluhan ang nasabing aktibidad ng iba.t-ibang ahensya bilang paghahanda sa paggunita ng Semana Santa 2025.