MAHIGPIT na ipinagbabawal ang pag-inom sa mga kalsada, ayon kay Department of the Interior and Local Government (DILG) Secretary Jonvic Remulla.

Sa isang press conference nitong Lunes, nilinaw niya: “Meron tayong Anti-Public Intoxication Act. Bawal na ang mag-inom sa kalye. Bawal na ang maglatag ng mga silya at mga lamesa sa mga kalye at mag-inuman,” ani Remulla.

Dagdag pa ng kalihim, paiigtingin ang pagpapatupad ng batas laban sa mga lalabag: “Sinasabihan ko ang lahat, pasensyahan tayo. Pag kayo mag-inuman sa kalye huhulihin namin kayo,” dagdag pa niya.