𝗦𝗔𝗣𝗔𝗚𝗞𝗔𝗧 𝗸𝗶𝗻𝗶𝗸𝗶𝗹𝗮𝗹𝗮 𝗻𝗴 𝗯𝗮𝗻𝘀𝗮𝗻𝗴 𝗞𝗼𝗿𝗲𝗮 𝗮𝗻𝗴 𝗺𝗴𝗮 𝗮𝗸𝘁𝗶𝗯𝗼𝗻𝗴 𝗽𝗮𝗴𝗸𝗶𝗹𝗼𝘀 𝗻𝗮 𝗴𝗶𝗻𝗮𝗴𝗮𝘄𝗮 𝗻𝗶 𝗢𝗙𝗪 𝗣𝗮𝗿𝘁𝘆 𝗟𝗶𝘀𝘁 𝗖𝗼𝗻𝗴. 𝗠𝗮𝗿𝗶𝘀𝘀𝗮 “𝗗𝗲𝗹 𝗠𝗮𝗿” 𝗣. 𝗠𝗮𝗴𝘀𝗶𝗻𝗼 𝗽𝗮𝗿𝗮 𝗶𝘀𝘂𝗹𝗼𝗻𝗴 𝗮𝗻𝗴 𝗸𝗮𝗿𝗮𝗽𝗮𝘁𝗮𝗻𝗴 𝗽𝗮𝗻𝘁𝗮𝗼, 𝗸𝗮𝗽𝗮𝗸𝗮𝗻𝗮𝗻 𝗮𝘁 𝗸𝗮𝗴𝗮𝗹𝗶𝗻𝗴𝗮𝗻 𝗼 𝘄𝗲𝗹𝗳𝗮𝗿𝗲 𝗻𝗴 𝗺𝗴𝗮 𝗢𝘃𝗲𝗿𝘀𝗲𝗮𝘀 𝗙𝗶𝗹𝗶𝗽𝗶𝗻𝗼 𝗪𝗼𝗿𝗸𝗲𝗿𝘀 (𝗢𝗙𝗪𝘀), n𝗮𝗵𝗶𝗿𝗮𝗻𝗴 𝗮𝗻𝗴 𝗸𝗼𝗻𝗴𝗿𝗲𝘀𝗶𝘀𝘁𝗮 𝗯𝗶𝗹𝗮𝗻𝗴 𝗔𝗺𝗯𝗮𝘀𝘀𝗮𝗱𝗼𝗿 𝗻𝗴 𝗦𝘂𝗻𝗳𝘂𝗹𝗹 𝗙𝗼𝘂𝗻𝗱𝗮𝘁𝗶𝗼𝗻 𝗼𝗳 𝗞𝗼𝗿𝗲𝗮.

Ayon kay Magsino, isang napakalaking karangalan aniya ang pagtitiwalang ipinagkaloob sa kaniya ng South Korea. Kasunod nito ang pagtatalaga sa kaniya bilang chairperson ng Sunfull Committee sa Kamara de Representantes ng Pilipinas.

Inilahad ni Magsino na nagtungo siya sa South Korea noong nakaraang buwan. Kasunod nito ang pakikipagkita niya sa mga matataas na opisyal ng Sunfull Foundation para pag-usapan ang mga pagsisikap na ginagawa ng OFW Party List at Korea upang sawatain ang nangyayaring cyberbullying, hate speech at human rights violations sa online laban sa mga OFWs.

Sinabi ng kongresista na napakalaking karangalan para sa kaniya ang mmahirang ng Sunfull Foundation. Tiniyak ni Magsino na gagawin niya nang lahat upang malabanan ang masamang epekto o negative effects na naidudulot ng internet.

“It is really an honor for me to be part of this movement and working witj thousands of people, not only in Korea. But in other countries too, to send message of hope and encouragement. This is especially important to victims of cyberbullying, hate speech and negative internet use,” wika ni Magsino.

Ayon pa kay Magsino, ang Sunfull Foundation ay isang non-governmental organization (NGO) na inorganisa sa South Korea na itinatag naman ni Dr. Byoung-Chul Min noong 2007.