𝗣𝗔𝗥𝗔 𝗸𝗮𝘆 𝗢𝗙𝗪 𝗣𝗮𝗿𝘁𝘆 𝗟𝗶𝘀𝘁 𝗖𝗼𝗻𝗴. 𝗠𝗮𝗿𝗶𝘀𝘀𝗮 “𝗗𝗲𝗹 𝗠𝗮𝗿” 𝗣. 𝗠𝗮𝗴𝘀𝗶𝗻𝗼, 𝗵𝗶𝗻𝗱𝗶 𝗯𝗮𝘀𝘁𝗮𝗻𝘁𝗲 𝗽𝗮𝗿𝗮 𝘀𝗮 𝗸𝗮𝗻𝗶𝘆𝗮 𝗮𝗻𝗴 𝗽𝗮𝗴𝗵𝗮𝗵𝗮𝗶𝗻 𝗹𝗮𝗺𝗮𝗻𝗴 𝗻𝗴 𝗺𝗴𝗮 𝗽𝗮𝗻𝘂𝗸𝗮𝗹𝗮𝗻𝗴 𝗯𝗮𝘁𝗮𝘀 𝘀𝗮 𝗞𝗼𝗻𝗴𝗿𝗲𝘀𝗼 𝗽𝗮𝗿𝗮 𝘀𝗮 𝗸𝗮𝗽𝗮𝗸𝗮𝗻𝗮𝗻 𝗮𝘁 𝗸𝗮𝗴𝗮𝗹𝗶𝗻𝗴𝗮𝗻 𝗼 𝘄𝗲𝗹𝗳𝗮𝗿𝗲 𝗻𝗴 𝗺𝗴𝗮 𝗢𝘃𝗲𝗿𝘀𝗲𝗮𝘀 𝗙𝗶𝗹𝗶𝗽𝗶𝗻𝗼 𝗪𝗼𝗿𝗸𝗲𝗿𝘀 (𝗢𝗙𝗪𝘀), k𝘂𝗻𝗱𝗶 𝗮𝗻𝗴 𝗽𝗲𝗿𝘀𝗼𝗻𝗮𝗹 𝗻𝗶𝘁𝗼𝗻𝗴 𝗽𝗮𝗸𝗶𝗸𝗶𝗽𝗮𝗴-𝘂𝗴𝗻𝗮𝘆𝗮𝗻 𝘀𝗮 𝗺𝗴𝗮 𝗣𝗶𝗹𝗶𝗽𝗶𝗻𝗼𝗻𝗴 𝗺𝗮𝗻𝗴𝗴𝗮𝘄𝗮 𝘀𝗮 𝗮𝗯𝗿𝗼𝗮𝗱 𝗽𝗮𝗿𝗮 𝗺𝗮𝗯𝗮𝘁𝗶𝗱 𝗮𝗻𝗴 𝗸𝗮𝗻𝗶𝗹𝗮𝗻𝗴 𝗸𝗮𝗹𝗮𝗴𝗮𝘆𝗮𝗻.

Nabatid ng People’s Taliba kay Magsino na personal niyang nakasama kasunod ng isinagawang talakayan para alamin ang kasalukuyang sitwasyon ng OFW Groups at Filipino Communities sa bansang Singapore.

Ayon kay Magsino, ang mismong Philippine Embassy sa Singapore at ang Migrant Workers Office (WMO) ang nag-organisa ng “town-hall meeting” upang magkaroon ng open forum patungkol sa kalagayan at sitwasyon ng mga OFWs sa nasabing bansa.

Paliwanag ni Magsino, napakahalagang magkaroon ng dialogo para malaman ang mga problemang kinakaharap ng mga OFWs sa bansang pinagta-trabahuhan nila at para maagapan narin ito sa tulong ng Philippine government sa pamamagitan ng OFW Party List Group sa KongresoKongreso.

Sinabi ng kongresista na ang pinag-usapan sa ginanap na dialogo ay ang mga oportunidad na kasalukuyang natatamasa ng mga OFWs sa Singapore. Kabilang din aniya sa mga napag-usapan sa meeting ay ang pangunahing problema na kinakaharap nila tulad ng pagiging biktima ng scams, mga Pilipinong nababaon sa utang sa mga loan sharks, kakulangan ng financial literacy at mga OFWs na nakakaranas ng mental health problems at iba pa.

“Malaki ang nagagawa ng pakikipag-dialogo sa ating mga kababayang OFWs sapagkat sa pamamagitan nito dito natin nalalaman ang mga problemang kinakaharap ng ating mga kababayan at dito rin natin mapagpa-planuhan ang mga solusyon kung papaano natin sila matutulungan,” wika ni Magsino.

Idinagdag pa ni Magsino na sa pamamagitan din ng dialogo, nagkakaroon ng pagkakataon ang mga OFWs na malaman ang mga programang isinusulong ng OFW Party List Group katuwang ang pamahalaan para matulungan ang mga OFWs. Kabilang dito ang pagkakaloob ng welfare, medical, educational, livelihood at repatriation assistance.

“Bilang nag-iisang kinatawan ng OFW Party List sa Kongreso. Pinagsisikapan natin na madalaw ang mga kababayan nating OFWs sa mga bansang pinagta-trabahuhan nila upang personal na makita at malaman ang kanilang kalagayan at makahanap ng solusyon sa kanilang problema,” sabi pa ni Magsino.