MAHIGIT isang dosenang senior officials ng Philippine National Police (PNP) ang naitalaga sa mga bagong posisyon sa ilalim ng utos ni PNP Chief General Nicolas D. Torre III nitong Huwebes, matapos aprubahan ng Malacañang.

Sa pinakahuling malawakang balasahan, pitong bagong direktor ng Police Regional Offices (PRO) at sampung bagong pinuno ng mga yunit sa ilalim ng National Operational and Administrative Support Units, kabilang ang Criminal Investigation and Detection Group (CIDG), ang opisyal na itinalaga.

Kabilang sa mga naitalagang opisyal ay ang mga sumusunod:

Major Gen. Robert Alexander A. Morico II – inalis bilang Direktor ng PNP Research and Development at itinalaga bilang bagong Commander ng Area Police Command-Visayas. Pinalitan siya ni Brig. Gen. Ross C. Alvarado, dating Direktor ng PNP Finance Service.
Brig. Gen. Jaysen C. de Guzman – dating Regional Director ng PRO-10 (Northern Mindanao), ngayon ay bagong direktor ng PRO-Bangsamoro Autonomous Region, kapalit ni Brig. Gen. Romeo J. Macapaz.
Brig. Gen. Romeo J. Macapaz – itinalaga bilang bagong Director ng Criminal Investigation and Detection Group (CIDG).
Brig. Gen. Jack L. Wanky – mula sa pagiging direktor ng PRO-6 (Western Visayas), siya ngayon ang bagong PRO-4A Director (Calabarzon).
Brig. Gen. Ponce Rogelio I. Peñones – dating Deputy Regional Director for Administration ng National Capital Region Police Office (NCRPO), itinalaga bilang bagong PRO-6 Director, kapalit ni Brig. Gen. Wanky.
Brig. Gen. Arnold E. Abad – itinalaga bilang bagong Director ng Northern Police District, kapalit ni Brig. Gen. Josefino D. Ligan na ngayon ay bagong PRO-1 Director (Ilocos at Pangasinan).
Si Brig. Gen. Lou F. Evangelista, dating PRO-1 Director, ay inilipat sa Directorate for Logistics.
Brig. Gen. Antonio P. Marallag Jr. – dating PRO-2 Director (Cagayan Valley), ngayon ay bagong Deputy Director ng Directorate for Operations.
Brig. Gen. Dindo R. Reyes – dating Direktor ng PNP Logistics Support Service, itinalaga bilang bagong PRO-2 Director, kapalit ni Marallag.
Brig. Gen. Jerry V. Protacio – mula sa Human Rights Affairs Office, siya na ngayon ang bagong Director ng Information Technology Management Service.
Brig. Gen. Rolindo M. Suguilon – dating Officer-in-Charge ng CIDG, ngayon ay bagong PRO-10 Director, kapalit ni de Guzman.
Brig. Gen. Joseph R. Arguelles – dating direktor ng Southern Police District (SPD), siya ngayon ang bagong PRO-11 Director (Southern Mindanao), kapalit ni Brig. Gen. Leon Victor Z. Rosete.
Brig. Gen. Melecio M. Buslig Jr. – dating Quezon City Police District Director, naitalaga bilang bagong Deputy Regional Director for Administration (DRDA) ng PRO-4B.
Brig. Gen. Randy Y. Arceo – dating PNP Deputy Director for Operations, ngayon ay bagong Southern Police District Director.
Brig. Gen. Warren G. Tolito – dating direktor ng PNP Communications and Electronics Service, naitalaga bilang bagong Chief of Staff ng PNP Academy.
Brig. Gen. Paul Kenneth T. Lucas – dating PRO-4A Director (Calabarzon), ngayon ay bagong DRDA ng NCRPO.
Brig. Gen. Christopher M. Abecia – dating direktor ng Aviation Security Group, ngayon ay bagong direktor ng Maritime Group.
Brig. Gen. Jonas T. Amparo – dating Executive Officer ng Directorate for Police-Community Relations, ngayon ay bagong Director ng PNP Retirement and Separation Benefits Administration Service.
Brig. Gen. Glicerio C. Cancilao – dating Executive Officer ng Directorate for Intelligence, naitalaga bilang bagong Anti-Kidnapping Group Director.
Brig. Gen. Jason L. Capoy – dating direktor ng Drug Enforcement Group, ngayon ay bagong PNP Aviation Security Group Director, kapalit ni Abecia.
Brig. Gen. Martin E. Defensor – dating DRDA ng PRO-4B (Mimaropa Region), itinalaga bilang bagong PNP Finance Service Director, kapalit ni Alvarado.
Brig. Gen. Edwin A. Quilates – dating direktor ng Information Technology Management Service, ngayon ay bagong PNP Drug Enforcement Group (DEG) Director, kapalit ni Capoy.
Brig. Gen. Noel B. Vallo – dating Deputy Director ng Directorate for Logistics, naitalaga bilang bagong direktor ng PNP Logistics Support Service.
Brig. Gen. Job Russel A. Balaquit – itinalaga bilang bagong direktor ng PNP Headquarters Support Service.
Colonel David N. Poklay – dating direktor ng PNP Anti-Kidnapping Group (AKG), ngayon ay bagong PNP Intelligence Group Director, kapalit ni Brig. Gen. Frankie C. Candelario, na inilipat sa Directorate for Intelligence.
Colonel Felix A. Verbo Jr. – dating Deputy Director ng Highway Patrol Group, ngayon ay inilipat sa National Police Training Institute.