𝗠𝗔𝗚𝗦𝗜𝗦𝗜𝗟𝗕𝗜𝗡𝗚 𝗶𝗻𝘀𝗽𝗶𝗿𝗮𝘀𝘆𝗼𝗻 𝗽𝗮𝗿𝗮 𝗸𝗮𝘆 𝗢𝗙𝗪 𝗣𝗮𝗿𝘁𝘆 𝗟𝗶𝘀𝘁. 𝗖𝗼𝗻𝗴. 𝗠𝗮𝗿𝗶𝘀𝘀𝗮 “𝗗𝗲𝗹 𝗠𝗮𝗿” 𝗣. 𝗠𝗮𝗴𝘀𝗶𝗻𝗼 𝗮𝗻𝗴 𝗻𝗮𝗸𝘂𝗵𝗮 𝗻𝗶𝘁𝗼𝗻𝗴 𝗺𝗮𝘁𝗮𝗮𝘀 𝗻𝗮 𝘁𝗿𝘂𝘀𝘁 𝗿𝗮𝘁𝗶𝗻𝗴 𝗺𝘂𝗹𝗮 𝘀𝗮 𝗽𝘂𝗯𝗹𝗶𝗸𝗼 𝗯𝗮𝘁𝗮𝘆 𝗻𝗮𝗺𝗮𝗻 𝘀𝗮 𝗶𝘀𝗶𝗻𝗮𝗴𝗮𝘄𝗮𝗻𝗴 𝘀𝘂𝗿𝘃𝗲𝘆 𝗻𝗴 𝗦𝗼𝗰𝗶𝗮𝗹 𝗪𝗲𝗮𝘁𝗵𝗲𝗿 𝗦𝘁𝗮𝘁𝗶𝗼𝗻 (𝗦𝗪𝗦).

Ayon kay Magsino, pagkatapos makakuha ang OFW Party List ng 71% trust rating mula sa publiko, mas lalo pa nitong pagsisikapan ang paglilingkod para isulong ang interes at kagalingan o welfare ng mga Overseas Filipino Workers (OFWs) kasama na ang pagsusulong sa kapakanan ng mga Pinoy seafarers.

Sa nasabing SWS survey, naitala ang OFW Party List group sa ika-20th position bilang pinapaborang Party List sa bansa. Ang OFW Party List din ang ika-17 mula sa 125 pagpipiliang Party List ng mga respondents batay sa isinagawang survey ng SWS kamakailan.

“It is such humbling experience to feel the trust of our kababayans. As the main objective of OFW Party List is to serve the people, our constituents, especially our OFWs and their families,” sabi ni Magsino.

Dahil dito, ipinaliwanag pa ng kongresista na dahil sa malaking tiwala ng publiko, mas lalo pa nitong pagbubutihin ang kaniyang trabaho bilang mambabatas sa pamamagitan ng paghahain ng mga makabuluhang panukalang batas na tutugon sa mga pangangailangan ng mga OFWs at Pinoy seafarers.

“Ang tiwala ng publiko sa amin sa OFW Party List ay isang inspirasyon para lalo pa kaming magsumikap sa paghahain ng mga panukalang batas sa pagbibigay serbisyo o paglilingkod sa mga OFWs at seafarers,” wika pa ni Magsino.